Santiago de Compostela, 27 de setembro de 2025
O conselleiro de Educación, Ciencia, Universidades e FP, Román Rodríguez, anunciou hoxe a posta en marcha das primeiras 13 titulacións universitarias compartidas entre as tres universidades públicas galegas e catro universidades arxentinas de referencia. Fíxoo nunha xornada de traballo celebrada na Cidade da Cultura, onde, xunto coas correspondentes autoridades universitarias do país austral, presentáronse estes programas de doutoramento.
Román Rodríguez sinalou que a Xunta está a estudar a implementación dunha liña de apoio económico destinada a contribuír tanto á matrícula gratuíta do alumnado de intercambio, es decir, estudantes galegos que viaxen a Arxentina e arxentinos que veñan a Galicia, como ao financiamento das estadías, que terán unha duración de entre tres e seis meses no país de destino.
Tal e como explicou o conselleiro, “este é o primeiro froito do ambicioso acordo impulsado pola Xunta e asinado o pasado mes de novembro para a internacionalización do Sistema Universitario de Galicia de man de Arxentina, un país co que temos vínculos históricos que facilitan este intercambio”. Rodríguez destacou que tanto a Xunta como as tres universidades públicas galegas e as catro arxentinas participantes coincidín en que, no actual contexto global, “é preciso dar pulo á internacionalización da formación superior”.
“O acordo, que hoxe empeza a materializarse, é unha oportunidade única para unir forzas en prol da mellor formación do alumnado e de compartir o talento de ambas beiras do Atlántico”, afirmou o conselleiro. “Seguiremos avanzando nesta senda para introducir novas titulacións e, ademais, estender este tipo de colaboracións a máis países”, salientou, indicando que o obxectivo final “é lograr que os alumnos poidan ter un dobre título de grao que os habilite para desenvolver o seu labor profesional tanto na Unión Europea como en América Latina”.
Representantes na xornada
No acto de hoxe participaron, pola parte galega, os reitores das universidades de Santiago de Compostela e Vigo, Antonio López e Manuel Reigosa; o vicerreitor de Titulacións e Internacionalización da Universidade da Coruña, Moisé Canle; o secretario xeral de Universidades da Xunta, José Alberto Díez; e o presidente e o director da ACSUG, Juan José Nieto e Eduardo Pereira.
Pola banda arxentina, participaron o reitor emérito da Universidad Nacional de Tres de Febrero, Aníbal Alfredo Emilio Yazbeck; a vicerreitora da Universidad Nacional de San Martín, Ana María Llois; o decano da Facultade de Enxeñaría da Universidad Nacional de Lomas de Zamora, Diego Gastón; e a responsable de relacións internacionais da Comisión Nacional de Evaluación y Acreditación Universitaria (CONEAU), Sofía Farizano.
Tras a presentación dos primeiros programas de doutoramento conxuntos celebrouse unha reunión de traballo para o intercambio de experiencias e para seguir avanzando nos detalles do acordo.
Primeiros títulos e prazas
Os primeiros 13 programas de doutoramento compartidos impartiranse conxuntamente entre as universidades de Santiago de Compostela, Vigo e A Coruña e as arxentinas de La Plata, Tres de Febrero, Lomas de Zamora e San Martín. É importante destacar que foi a axencia de calidade arxentina, a Comisión Nacional de Evaluación y Acreditación Universitaria (CONEAU), a que as seleccionou por ser entidades de referencia.
Desde a sinatura do acordo, traballou na definición destas titulacións a Axencia para a Calidade do Sistema Universitario de Galicia (ACSUG), a CONEAU e as sete universidades participantes. Decidiu-se comezar polos programas de doutoramento, considerando que se trata dun proceso máis breve, pero o obxectivo é avanzar de xeito progresivo cara as titulacións de grao con validez en ambos países.
A relación de programas oficiais de doutoramento que arrinca o desenvolvemento do acordo, e que poderá ir incrementándose nos próximos meses, é a seguinte: Ciencias de Materiais, Investigación Básica e Aplicada en Ciencias Veterinarias, Economía e Empresa, Ciencia e Tecnoloxía Química, Física Nuclear e de Partículas, Ciencias da Educación, Computación, Tecnoloxías da Información e as Comunicacións, Enxeñaría, Ciencias da Educación e do Comportamento, Comunicación, Nanociencia e Biomedicina, e Enxeñaría Química.
A previsión é que os programas comezen a funcionar no mes de febreiro de 2026, aproveitando os prazos habituais de matrícula nos programas de doutoramento do Sistema Universitario de Galicia (febreiro e setembro). Establecerase un cupo de prazas para que o alumnado galego se desprazue a Arxentina e viceversa, e que se concretará nos próximos meses. Tamén se está a traballar para definir o reparto de programas de doutoramento entre as universidades galegas e arxentinas.
Intercambios e investigación
Ao abeiro deste acordo, ademais da impartición de titulacións conxuntas (que poderán ser tamén de grao e máster) e o intercambio de estudantes, as universidades asinantes poderán compartir diversa información académica e materiais, así como impulsar a organización conxunta de conferencias, simposios, cursos e seminarios.
Adicionalmente, fomentarase a colaboración en materia de investigación, favorecendo a mobilidade dos investigadores entre os países participantes e contribuíndo ao avance da ciencia.