A Coruña, 21 de setembro de 2025
O conselleiro de Presidencia, Xustiza e Deportes, Diego Calvo, participou hoxe na praza de María Pita da Coruña na entrega de premios da novena edición do Eco Rallye A Coruña, organizado pola escudaría Coruña. A competición reuniu máis de medio cento de pilotos dunha decena de nacionalidades que percorreron máis de 570 quilómetros atravesando case 40 concellos da provincia coruñesa.
A proba puntúa para o Campionato Bridgestone FIA Eco Rally Cup e para o Campionato de España de Enerxías Alternativas e, ademais, nesta Semana Europea de Mobilidade, promove unha conducción eficiente e sostible con vehículos deseñados para aforrar enerxía e reducir as emisións.